SINOPSE
“Onde comeza o noso toque, estamos.
Estou.
Estás.
Estamos?
É unha ocupación da realidade, unha conquista.
Procura os rostros coñecidos.
Titubeas carente de roce e aceptas, en ocasións sen suceso.
O corpo habitado.
O corpo enigma.”
IDEA ORIXINAL
A peza EM·NA baséase na idea da vibración coma elemento manipulador. É unha investigación sobre a “acústica subcutánea” a través da vibración e do silencio resultante no corpo do outro.
A relación entre os intérpretes pasa por diferentes estados: comprimindo, estirando, cambiando o ritmo da súa propia vibración, e todo isto partindo da súa fisicalidade individual.
A composición escénica dos corpos mostra os diferentes estados e espazos dunha mesma vibración a través dunha fisicalidade contemporánea, espida, crúa e cotidiana.
A forte presenza do mundo e espíritu xaponés crea unha estética chea de detalles significativos e contundentes.
A duración de cada movemento e acción case parece a dun pensamento, propósito ou reflexión. A peza busca por tanto entretecer a orde, o caos, a pasividade e o eco da mente proxectado no corpo cambiante.
Un “momentum” sobre o tan chea e desbordada que está a mente humana e a necesidade do silencio.
EM·NA profundiza na nosa realidade animal, instintiva e intuitiva.
EM·NA fala do que o corpo entende. Auto-piratería.
Corpo sensible
Corpo casa
Corpo enigma
Corpo social
Corpo habitado
Creación e interpretación:
Esther Latorre e Hugo Pereira
Espazo sonoro:
BABYKATZE
Deseño de iluminación:
Pedro Fresneda
Técnico en xira:
Jaume Blai
Vídeo:
Adrián González e Dani Rodríguez
Fotografía:
Carlota Mosquera
Apoio en xestión:
Manu Lago
Deseño de imaxe:
Marcia Vázquez
Vestiario:
Jandro Villa
Con axuda á creación:
Agadic · Xacobeo 21 · Xunta de Galicia
Co apoio de:
Teatro Ensalle
Galicia Danza Contemporánea
INAEM · Ministerio de Cultura · Gobierno de España
Concello Lugo
Colabora:
Escola Palimoco
Foto Carlota Mosquera
Foto Carlota Mosquera
Foto Carlota Mosquera
Foto Carlota Mosquera
Imposible acabar mellor o Día Mundial do Teatro: nun teatro vendo danza. Pero ese teatro non é calquera teatro senón Ensalle de Vigo. Un espazo único, porque non só exhibe espectáculos senón que lles dá acubillo e iluminación. E esa danza non é calquera danza é a do Colectivo Glovo de Lugo. Estrean EM•NA en Vigo. Unha peza dun virtuosismo dancístico delicado e, á vez, poderoso. Intensidade contida. Ascetismo electrizante. Esther Latorre e Hugo Pereira teñen un unísono que é maxia pura. É como se a diferenza se espellase na conxunción e o movemento, deste xeito multiplicado e espellado, adquirise unha vibración que nos toca e nos atrapa. A luz de Pedro Fresneda, do Ensalle, é como unha araña a tecer unha tea que se abanea co movemento, igual que a area que move o vento ou as ondas nunha praia. A vibración explícita, localizada en diferentes partes dos corpos do dúo, fai virar as miradas. O movemento acumúlase, contense, estoura en diferentes intensidades e proporcións, flúe e reverbera en nós sen desfacer o sortilexio de EM•NA. Marabilla de peza! Calidade máxima!
Afonso Becerra de Becerreá
Duración
60 minutos
Estrea
Teatro Ensalle de Vigo os días 26, 27 e 28 de marzo de 2021
CONTRATACIÓN
Hugo Pereira / Colectivo Glovo
+34 604002295
