Desfile outono-inverno 2019 de Adolfo Domínguez celebrado no casco vello de Ourense, Galicia. Un espectáculo de cultura, música e baile no que a firma pon en valor as súas raíces. O desfile foi protagonizado por 60 modelos non profesionais de todas as idades e talles e incluíu a actuación dun grupo de pandeireteiras e diversas performances. A colección presentada desenvólvese arredor do concepto de gender fluid ou a non identificación de xénero, incluíndo algunhas pezas que poden ser utilizadas tanto por homes como por mulleres.